Image

പുതുവര്‍ഷത്തില്‍ സംഗീത തിരുമുല്‍ക്കാഴ്ചയായി 'മാനസവീണ'

Published on 01 January, 2022
പുതുവര്‍ഷത്തില്‍ സംഗീത തിരുമുല്‍ക്കാഴ്ചയായി 'മാനസവീണ'

ബെര്‍ലിന്‍: കൊറോണയെന്ന മഹാമാരിക്കാലത്ത് സംഗീതത്തിലൂടെ ആശ്വാസം പകരാന്‍ സെലിബ്രെന്റ്‌സ് ഇന്ത്യ അവതരിപ്പിക്കുന്ന 'മാനസവീണ' ജനുരി ഒന്നിനു (ശനി) റിലീസ് ചെയ്യും.

സംഗീതലോകത്ത് സ്ഥാനമുറപ്പിച്ച കുമ്പിള്‍ ക്രിയേഷന്‍സിന്റെ അമരക്കാരനും യൂറോപ്പിലെ മാധ്യമ പ്രവര്‍ത്തകനുമായ ജോസ് കുമ്പിളുവേലിയുടെ വരികള്‍ക്ക് അമേരിക്കയിലെ നോര്‍ത്ത് കരോളിനയില്‍ സ്ഥിരതാമസമാക്കിയ കലാകാരന്‍ ബേര്‍ണി കരിമ്പില്‍ സംഗീതം നല്‍കി പി. ജയചന്ദ്രന്‍ ആലപിച്ച 'മാനസവീണ' എന്ന സെമിക്‌ളാസിക്കല്‍ ഗാനം പുതുവര്‍ഷത്തില്‍ സംഗീത തിരുമുല്‍ക്കാഴ്ചയായി അമേരിക്കയില്‍ സേവനം ചെയ്യുന്ന ഫാ. ബിനോയ് ഡേവീസ് ആണ്
സംഗീതാസ്വാദകര്‍ക്കായി സമര്‍പ്പിക്കുന്നത്.

പ്രശസ്ത സിനിമാ സംഗീത സംവിധായകന്‍ പ്രദീപ് ടോം ആണ് ഗാനത്തിന് ഓര്‍ക്കസ്‌ട്രേഷന്‍ നിര്‍വഹിച്ചിരിക്കുന്നത്. സംഗീതലോകത്ത് ചിരപ്രതിഷ്ഠനേടിയ സെലിബ്രെന്റ്‌സ് ഇന്ത്യയുടെ യുട്യൂബ് ചാനലിലൂടെയാണ് ഈ ഗാനം ആദ്യ ദിനത്തില്‍തന്നെ ശ്രോതാക്കളിലെത്തുന്നത്.


ഗാനത്തിന്റെ വരികള്‍ക്കനുസരിച്ചുള്ള സംഗീതത്തില്‍ സെമി ക്ലാസിക്കല്‍ നൃത്താവിഷ്‌ക്കാരത്തോടു കൂടിയ ദ്യശ്യഭംഗി മാനസവീണ എന്ന സിംഗിള്‍ ആല്‍ബത്തെ ഏറെ പുതുമയോടൊപ്പം ധന്യമാക്കുന്നുണ്ട്.

ശ്യാം സുന്ദര്‍, ബാലു നാരായണന്‍, വിഷ്ണു വെങ്കിടേശ് എന്നിവരാണ് ദൃശ്യഭംഗിയുടെ അണിയറ ശില്‍പ്പികള്‍.

ജയേട്ടന്‍ ആലപിച്ച സെമി ക്ലാസിക്കല്‍ ഗാനം ആസ്വദിക്കാന്‍ https://www.youtube.com/channel/UChfAkqHgUEpFEx4rI9YNOaA ചാനല്‍ സന്ദര്‍ശിക്കുക

ഗാനത്തിന്റെ ടീസര്‍ പുറത്തിറക്കിയിട്ടുണ്ട്

https://www.youtube.com/watch?v=jEkKBRAvTuE

 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക