Image

മഷിത്തുള്ളികൾ (കവിത: ജയശ്രീ രാജേഷ്)

Published on 06 April, 2022
മഷിത്തുള്ളികൾ (കവിത: ജയശ്രീ രാജേഷ്)

സ്വപ്ന ചരടുകൾ പൊട്ടി
വഴിയമ്പലങ്ങളിൽ 
ഊർന്നുവീഴുന്നുണ്ട് 
ചില ചിന്തകളുടെ 
നേർമൊഴി തുണ്ടുകൾ

കാറ്റ് കടമെടുത്ത
വേനൽമഴ ചീളുകൾ
ചാരെ വന്ന്
മുത്തിയൊഴിഞ്ഞു
പോകുന്നു പതിയെ

ചാഞ്ഞ വെയിലിന്റെ 
ചാരത്തണഞ്ഞു
തുടുത്ത കവിളിണ
ചേർത്തരുണിമയയായ്
ചൊല്ലുന്നോ അരളിയും !

പാതി പൂത്തു
 നിന്നോർമ്മയിൽ
 ഞാനെന്ന് നേർത്ത
 ചെമ്പകം ഓർമ്മയുടെ
 പടിക്കെട്ടിൽ
 നിന്നൊന്നുലഞ്ഞു 

മനതാരിൽ
പതിയെ മൂളിടാൻ
പ്രിയമാർന്നൊരിഷ്ടം
 ഇമ്പമാർന്നൊന്നു
 ചൊല്ലി കനവുകളിലെവിടെയോ

വിടരാൻ 
കാത്തു നിൽപ്പുണ്ട് 
മഷിത്തുള്ളികൾ
കുടഞ്ഞിട്ട
കടലാസു തുണ്ടുകളിൽ
എഴുതാൻ മറന്നൊരു
പ്രണയ കാവ്യം.....

       

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക